مشكله فعلا مؤلمه

Admin عدد المساهمات : 73 تاريخ التسجيل : 03/12/2009

ياجماعه دى مشكلة واحده صاحبتى وعزيزه عليا جدا وياريت تشاركونى فى حلها لانى مش عارفه اعملها حاجه ونفسى اساعدها

الحكايه ببساطه ان كان فى بنت بتحب ولد جدا وهو كمان بيحبها جدا جدا جدا ويمكن اكتر منها كمان وحصلت ظروف ما والظروف دى حددت لهم حياتهم انهم مش هيقدروا يكملوا مع بعض وهما حاولوا يعاندوا الظروف اكتر من مره بس الظروف برده واقفه ادامهم وكأنها قدرهم ولان البنت عرفت النهايه واتأكدت انهم مش لبعض قررت تبعد وهى اساسا مش عارفه ازاى هتقدر وعشان هى مش عاريزه تعلق بيها الشاب دا اكتر من كدا بعدت فعلا بس حصل اللى هى كانت متوقعاه من يوم مابعدت وهى مش قادره تركز فى حاجه خالص لا فى حياتها ولا شغلها ولا حتى عارفه تتعمل بشخصيتها واصبحت بنى ادمه سلبيه وكل حاجه بتعملها مش بتركز فيها وبتبوظ كل حاجه وكل اللى بيدور فى دماغها انها طول الوقت قاعده بتفكر فى كل ذكرى ليهم مع بعض وكأنها بتعيشها تانى ومابتفكرش ولا بتحلم غير بيه طول الوقت سرحانه وشارده عن الدنيا وعماله تثبت للناس انها قويه وتبان قاسيه ادام الشاب دا وبتفهمه انها نسيته وبتفكر فى حياتها وبس وللأسف مش قادره تثبت لنفسها انها قادره تعيش حياتها وكل لما تكون لوحدها مش بتبطل عياط ولما بتفتكره حتى لو ماشيه فى الشارع بتعيط وخلاص حياتها متلخبطه من غيره ومش عارفه ترجع تانى زى الاول وهو كمان زيها واكتر بس الظروف حكمت عليهم بالفراق غصب عنهم هما دلوقتى حياتهم واقفه ومش قادرين يعيشوا حياتهم من غير بعض وفى نفس الوقت كل الظروف والاهل كمان ضدهم

ممكن تقولولى هما ازاى هيعيشوا من غير بعض
ياريت تساعدونى فى حل مشكلتهم لانى فعلا مش عارفه اعملهم حاجه

ياريت الكل يشارك ويقول رأيه عشان نشوف هنقدر نحل المشكله دى ازاى
واللى مش لاقى حل ياريت مايبخلش عليهم بالدعاء ويدعلهم ربنا يجمعهم تانى ويوفقهم فى حياتهم مع بعض

قولها ان الدنيا لا تتوقف ع آحد وزى ما حبت الانسان ده بكرا تحب انسان تانـىـآ
واهوة ماشىـآ الحال يا تركى

(طــ/ـيـــ/ــآر)